Det er tid for å feire og lage fest!

Gjennom tre år har Noregs Ungdomslag, Norges Husflidslag, Norsk Folkedraktforum, Norsk Institutt for Bunad og Folkedrakt og Studieforbundet kultur og tradisjon arbeidd med prosjektet "Bunadbruk, populært, men truet". Prosjektet er støtta av Sparebankstiftelsen, og har som mål å auke folk, særleg barn og unge, sin kunnskap om bruk og tilverking av bunadene våre. Gjennom ulike tiltak, har vi skapt entusiasme og stoltheit over bunadbruken, og forsøkt å bidra til at handverk og produksjon blir oppretthalde i Noreg. Gjennom dette arbeidet har vi og arbeidd med ein prosess for å nominere den allmenne bunadbruken i Norge til UNESCOs representative liste over immateriell kulturarv. Nominasjonssøknaden Bunadbruk i Norge, tradisjonshåndverk og sosial praksis vart sendt inn til Kulturdirektoratet på nyåret, gjekk gjennom nålauget der og er herved nominert til UNESCOs representative liste over immateriell kulturarv!

Alt dette skal vi feire i Teatersalen i BUL Oslo 26. april, kl 16.00-18.00. Og dit kjem storfint og kongeleg besøk! HKH Kronprinsesse Mette Marit vil delta på feiringa.

Vi vil feire og fortelje om arbeidet som er gjort, gjere stas på bunadane våre, den allmenne norske bunadbruken, og at vi har veksla og ligg godt an i løypa etter fyrste etappe for å få den allmenne bunadbruken på Unesco si liste over den immaterielle kulturarven. Vi byr og på mat, kaffi og dans, ved Leikarringen BUL Oslo.

Vi inviterer deg til å ta del i feiringa saman med oss.

Påmeldingsfrist 19. april. Du kan melde deg på her.

Ta gjerne på bunad, dersom du har.